![\"\"](\"https:\/\/hoyre.no\/content\/uploads\/sites\/350\/2020\/11\/eidsboen.jpg\")
<\/div><\/figure>Frivillig innsats har alltid st\u00e5tt sterkt i Austevoll, og s\u00e5nn er det heldigvis fortsatt. Over heile kommunen blir det lagt ned tallause dugnadstimar. P\u00e5 ettermiddagar, helger, fritid og friperiodar skapar austevollingar eit mangfald av store og sm\u00e5 aktivitetar, skapar idrettsglede og kulturopplevingar, tar vare p\u00e5 bygdahus, leikeplassar, fotballbanar, ballbinger og turl\u00f8yper, forvaltar historia, og tar vare p\u00e5 kvarandre og p\u00e5 samfunnet v\u00e5rt. Denne innsatsen skapar verkeleg levande og gode lokalsamfunn!<\/strong><\/div>
Frivillig sektor er ogs\u00e5 viktig for \u00e5 rekruttere folk til lokalpolitikken. I alle lokalpartia i Austevoll er det mange som er aktive i frivillig sektor og som tar med seg samfunnsengasjementet sitt inn i politikken.<\/div>
Slik er det ogs\u00e5 i Austevoll H\u00f8gre. Me som skriv dette er frivillige i ulike lag og foreiningar rundt om kring i kommunen, og me stiller til val for Austevoll H\u00f8gre. Ein viktig grunn er at H\u00f8gre, i lag Ap, verkeleg satsar p\u00e5 frivillig innsats.<\/div>
Frivillige lag og foreiningar treng eit godt samarbeid med kommunen. Kommunale tilskot er viktig for \u00e5 spe p\u00e5 inntekter fr\u00e5 medlemskontingent og innsamla midlar. Kommunen er viktig for \u00e5 gje informasjon om s\u00f8knadsprosessar, st\u00f8tteordningar, og gje ei hjelpande hand n\u00e5r me skal over t\u00f8ffe kneiker.<\/div>
Austevoll kommune har alltid vore ein god st\u00f8ttespelar overfor frivillig sektor. Me meiner ikkje at frivillig sektor hadde magre k\u00e5r f\u00f8r H\u00f8gre og Ap kom til makta. Dei siste fire \u00e5ra har det likevel vore eit fokus p\u00e5 frivillig innsats som me ikkje har opplevd tidlegare.<\/strong><\/div>
I 2015 vedtok H\u00f8gre og Ap ei ny stilling som frivilligkoordinator, som blei tilsett i 2016. Det har gjort det mykje lettare \u00e5 ha kontakt med kommunen og f\u00e5 god hjelp. I fjor opna ogs\u00e5 frivilligsentralen i Austevollbadet som basen for kommunens arbeid overfor frivillig sektor. Dessutan er folkebiblioteket p\u00e5 Selbj\u00f8rn pussa opp og eit eigna lokale for frivillige lag og organisasjonar.<\/div>
H\u00f8gre og Ap fekk ogs\u00e5 p\u00e5 plass fleire s\u00f8kbare tilskotsordningar. Det byrja i 2016 med bygdahuspotten. F\u00f8r bygdahuspotten var det vanskeleg \u00e5 f\u00e5 nok pengar til st\u00f8rre utbetringar p\u00e5 bygdahus rundt om i kommunen. Ein stod i same k\u00f8en som alle andre gode tiltak, og fekk derfor alltid langt mindre pengar enn det var behov for. Med bygdahuspotten har kommunen fordelt til saman 750.000 kroner berre til bygdahus, med st\u00f8rre kronebel\u00f8p enn me tidlegare var i n\u00e6rleiken av \u00e5 f\u00e5. Etter fire \u00e5r med bygdahuspott er det gitt pengar til Hundv\u00e5k\u00f8y samfunnshus, \u00d8ytun grendahus, Kolbeinsvik vel, Storeb\u00f8 gamle skule, Vinnes vel, ungdomsklubb p\u00e5 Selbj\u00f8rn skule, Stolmen vel, Litlakals\u00f8y vel og Dr\u00f8na og Rost\u00f8y bygdalag. Pengar som ein ikkje kunne vere forutan.<\/div>
I 2017 blei ei ny st\u00f8tteordninga for st\u00f8rre kultur- og konsertarrangement etablert. F\u00f8r denne var det ogs\u00e5 slik at denne type arrangement fekk pengar fr\u00e5 den same vanlege kulturordninga, og sjeldan fekk tilskot som heilt stod i stil til storleiken p\u00e5 arrangementa og kostnadane med desse. Av og til gav kommunen pengar til enkeltarrangement, men det hadde den ulempa at det kunne sj\u00e5 ut som om kommunen forskjellsbehandla. Med ei eiga tilskotsordning og med like spelereglar har det blitt fordelt til saman 550.000 kroner og til 23 arrangement p\u00e5 tre \u00e5r, blant anna kultursogehelga i Bekkjarvik, Fiskefestivalen p\u00e5 Stolmen, M\u00f8kstermaratonen, KDV skulekorps, Hamp og havstril og Kals\u00f8ydagane.<\/div>
I tillegg til dette er tilskota til turl\u00f8yper auka f\u00e5r 200.000 kroner, til ein halv million kroner i 2019.<\/div>
Idretten er den st\u00f8rste delen av frivillig sektor. Idrettsmidlane som blir fordelt etter s\u00f8knad er p\u00e5 350.000 i \u00e5ret, og det blir i tillegg gitt 600.000 kroner i driftstilskot til dei st\u00f8rste idrettslaga. Det viktigaste bidraget som er gitt idretten i denne perioden er naturlegvis bygginga av Austevolllbadet. Austevollbadet er eit spleiselag mellom private givarar og kommunen, og der \u00e9in tredjedel er finansiert med statlege spelemidlar. I tillegg har det skjedd ei rekke oppgraderingar og bygd nye tilskot til eksisterande idretts- og n\u00e6rmilj\u00f8anlegg \u2013 alltid med eit stort lokalt engasjement og resultat av dugnadstimar og innsamla midlar.<\/div>
Desse tilskotsordningane er viktig for frivillige lag og organisasjonar. Det gjer det lettare \u00e5 skape aktivitet. Det er ogs\u00e5 viktig og positivt at ordningane baserer seg p\u00e5 like kriterier for dei som s\u00f8ker, og at behandlinga av s\u00f8knadene skjer samtidig. Det fjernar det som kunne vere av tvil eller frykt for forskjellsbehandling.<\/div>
I neste valperiode foresl\u00e5r H\u00f8gre \u00e5 bygge vidare p\u00e5 dei gode erfaringane me har gjort oss med samarbeid og st\u00f8tte fr\u00e5 kommunen. H\u00f8gre \u00f8nskjer \u00e5 etablere ei ny st\u00f8tteordning for folkehelsetiltak, med \u00f8konomisk st\u00f8tte til lag og foreiningar som hjelper til og reduserer terskelen for \u00e5 vere i bevegelse, gjerne g\u00e5 ein liten tur i lag med andre. Og s\u00e5 meiner H\u00f8gre at det skal bli gratis for frivillige lag og organisasjonar \u00e5 bruke kommunale lokale til aktivitetane sine, anten det er \u00f8vingslokale for skulekorpset eller eit klasserom \u00e5 ha medlemsm\u00f8te i.<\/div>
I Austevoll lev dugnadsanda og samfunnsengasjementet i beste velg\u00e5ande. Frivillig sektor har ein fantastisk aktivitet, mange frivillige, stor st\u00f8tte fr\u00e5 bedrifter og fr\u00e5 kommunen. Alle partia som stiller til val i Austevoll er klare over betydinga av frivillig innsats og vil f\u00f8re ein god politikk. Men me meiner likevel at H\u00f8gre er litt betre. Dei siste fire \u00e5ra viser at H\u00f8gre forst\u00e5r frivillig sektor og har handlekraft til \u00e5 gjennomf\u00f8re politikken sin og ikkje berre snakke. I programmet v\u00e5rt foresl\u00e5r me nye saker som vil forsterke den frivillige sektoren end\u00e5 meir, fordi me veit at det er noko av det viktigaste kommunen kan gjere for \u00e5 skape gode lokalsamfunn.<\/strong><\/div>
Lesarbrevet stod p\u00e5 trykk i Marsteinen<\/a> 25. august 2019.<\/em>
<\/div><\/div>\n
<\/div><\/div>\n
\n\t<\/div>\n
\n\t
\n\t\tRelaterte artikler<\/h3>\n\t\t
Relaterte artikler<\/h3>\n\t\t\n\t\n\t\t\n\n\t\t\t<\/div>\n\t\t\t\n\t\t\t\t\n\t\t\t\t\t\n\t\t\t\t\t\t\t\t\n\t\t\t\t\t\t\t\t\t3. apr 2026<\/span>\n\n\t\t\t\t\t\t\t\t\t\t\t\t\t\t\t\t\t<\/div>\n\t\t\t\t\t\t\t\t\t\t\t<\/div>\n\n\t\t\t\t\n\t\t\t\t\tKandidat 2027? <\/span><\/h2>\t\t\t\t<\/div>\n\t\t\t<\/div>\n\t\t<\/a>\n\t<\/div>\n\n\t<\/div>
\n\t
\n\t\t\n\n\t\t\t
<\/div>\n\t\t\t
\n\t\t\t\t
\n\t\t\t\t\t\n\t\t\t\t\t\t\t\t
\n\t\t\t\t\t\t\t\t\t3. apr 2026<\/span>\n\n\t\t\t\t\t\t\t\t\t\t\t\t\t\t\t\t\t<\/div>\n\t\t\t\t\t\t\t\t\t\t\t<\/div>\n\n\t\t\t\t
\n\t\t\t\t\t
![\"\"](\"https:\/\/hoyre.no\/content\/uploads\/sites\/350\/2023\/05\/B9A0993A-8455-4AC0-B36C-F80E69C56C7D-768x1152.jpeg\")
\t\t<\/div>\n\t\t\n\t\t\t![\"\"](\"https:\/\/hoyre.no\/content\/uploads\/sites\/350\/2023\/08\/881F13AA-2634-4A42-8A01-4465C457E0D5_1_105_c-768x577.jpeg\")
\t\t<\/div>\n\t\t\n\t\t\t