![\"\"](\"https:\/\/hoyre.no\/content\/uploads\/sites\/107\/2020\/11\/boligutvikling-4.png\")
<\/div><\/figure>Grunnprinsipp og historikk<\/b><\/p>
Skal ein f\u00f8re opp ein ny bustad, er utforming og st\u00f8rrelse avgrensa av krava i gjeldande reguleringsplan for omr\u00e5det. For \u00e5 vike fr\u00e5 krava i reguleringsplanen kan ein s\u00f8kje dispensasjon for mindre justeringar, eller sette i gong omregulering av omr\u00e5det. Sistnemde er oftast vanleg for st\u00f8rre omr\u00e5der som omfattar fleire nye bustader. Ei slik omregulering m\u00e5 vere i samsvar med den overordna kommuneplanen. B\u00e5de reguleringsplanar og kommuneplanen er vedtekne politisk. Slik sett er bustadutviklinga politisk betinga. <\/p>
<\/p>
Dei fleste av gjeldande reguleringsplanar i byggjefelta i kommunen stammar fr\u00e5 70-\/80-talet, ei tid med stor offentleg regulering og statsbankfinansierte bustader. Av ulike \u00e5rsaker var mest alle nye hus p\u00e5 den tida einebustader, og dei fleste p\u00e5 mellom 140 m2 og 280 m2. Ein ny einebustad i denne storleiken er i dag av prismessige \u00e5rsaker forbeholdt ein liten del av befolkninga. \u00c5 f\u00f8re opp hus i same stil og storleik slik som dei 40 \u00e5r gamle husa rundt om, vil ha ein prislapp dei aller f\u00e6rraste har r\u00e5d til. Av mellom anna denne grunnen kan det vere naudsynt \u00e5 opne opp for andre bustadtyper som er tilpassa dagens bustadmarknad. Allereie p\u00e5 90-talet vaks det fram eit behov for st\u00f8rre utnytting av tometeareal, og tomannsbustadane vart sv\u00e6rt popul\u00e6re. I staden for \u00e5 krevje omregulering for kvar einaste tomannsbustad innanfor reguleringsplanar for einebustader, vart det normal praksis \u00e5 gi dispensasjon for dette, sj\u00f8lv om ein tomannsbustad skil seg relativt mykje fr\u00e5 ein tradisjonell einebustad. Dei fleste vil i dag anerkjenne tomannsbustaden som eit naturleg innslag i kva som helst byggefelt i Giske.<\/p>
<\/p>
Estetikk og mangfald<\/b><\/p>
Eit anna moment enn berre dei \u00f8konomiske forholda i bustadutviklinga, er estetikk. Ein typisk einebustad fr\u00e5 70-talet har hovudetasje med kjellar og valm-\/saltak, mens p\u00e5 50-talet vart husa reist med ei ekstra etasje og noko mindre grunnflate. Ein finn fleire nybygg som fortsatt stettar desse normene, og som tek seg godt ut i eksisterande byggefelt. Men ei tid var og ei tid blei. Det er ikkje unaturleg at eit moderne hus i dag ser annleis ut enn for 40 og 60 \u00e5r sidan. Mange i dag vil ha to etasjar og flate tak. Er det d\u00e5 slik at ein skal krevje om- regulering for oppf\u00f8ring av hus tilpassa dagens huskatalogar, eller kanskje skal ein be husbyggjar om \u00e5 halde seg til god gamal 70-talsstil?<\/p>
<\/p>
Eit velfungerande og harmonisk samfunn b\u00f8r best\u00e5 av folk og hus i ulike aldrar og stilar. Og desse to fylst \u00e5t. Ulike bustadtyper gir rom for folk fr\u00e5 ulike stader i livsl\u00f8pet. Eit kvitt hus er fint, men om alle husa var akkurat like nye og kvite, ville det vorte kjedeleg rundt oss. Eg bur i eit kvitt hus sj\u00f8lv, i gamal stil, og er glad for at eitt og anna nabohus er heilt annleis b\u00e5de i farge, stil og alder. Forskjellane og s\u00e6rtrekka gir bustadfelta karakter.<\/p>
<\/p>
Refleksjonar om komande planperiode<\/b><\/p>
Ei sv\u00e6rt kort oppsummering av mine refleksjonar er at vi m\u00e5 \u00f8nskje velkommen nye bustadtyper i etablerte byggefelt, at dei skal vere stroktilpassa men med opning for \u201dtidsriktig\u201d utforming og st\u00f8rrelse. At ein skal unng\u00e5 for mange sm\u00e5 bueningar i dominerande lange rekkjehus. At ein b\u00f8r legge opp til lavblokker p\u00e5 dei tre st\u00f8rste \u00f8yane, der desse utgjer ein etterspurt bustadtype. Og at utbyggingstakta m\u00e5 regulerast etter forventa og \u00f8nska folkevekst. Det sistnemde er s\u00e6rs viktig i ei vekstkommune som Giske. Av samfunns\u00f8konomiske hensyn m\u00e5 ein ha eit bevisst forhold til kva folkevekst ein legg opp til ved \u00e5 sleppe til nye store bustadprosjekt. Ytterland Park er det mest dagsaktuelle bustadprosjektet, som er fanga av at det ikkje eksisterar ein tydeleg busetnadsplan som fortel i kva grad ein skal byggje ut i dei valgte omr\u00e5da for fortetting. Teknisk komit\u00e9 valde \u00e5 ikkje eigengodkjenne Ytterland Park no, sidan vi er midt i rulleringa av kommuneplanen. Og med knappast mogleg fleirtal fekk eg tilslutning for at der m\u00e5 ligge f\u00f8re ein slik busetnads- plan, f\u00f8r ein kan godkjenne prosjekt i denne st\u00f8rrelsen. Giske kommune har utrekna befolkingsframskrivingar som seier kor mange vi truleg vert i ti\u00e5ra framover. Slike tal, saman med vurderingar knytt til kor stor vekst den kommunale tenesteytinga maktar, m\u00e5 ligge til grunn for kva for omr\u00e5der ein vil legge folkeveksten til, og i kva grad. Eg trur det er naturleg i eit ti\u00e5rsperspektiv \u00e5 vente at God\u00f8ya og Vigra tek mykje av folkeveksten i kommunen. Like naturleg som at det vert vekst p\u00e5 Valder\u00f8ya i form av blokkbustader p\u00e5 to eller fleire stader p\u00e5 \u00f8ya. Slik fortetting m\u00e5 skje der servicetilbod og handel naturleg kan utviklast. Sidan eg alt har nemnt Ytterland, ser eg for meg dette som eit omr\u00e5de med slike utviklingsmoglegheiter. Og dette vil kunne skje uavhengig av kvar ein vel \u00e5 plassere det strategiske kommunesenteret.<\/p>
<\/b><\/p>
Styring og medvirkning<\/b><\/p>
Bustadutvikling er eit tema det er enkelt for alle \u00e5 meine noko om. I alle fall i omr\u00e5det ein sj\u00f8lv held hus. Men heilheit og samfunns\u00f8konomiske konsekvensar knytt til dette, skal ein anten vere fagmann eller vere s\u00e6rs interessert i for \u00e5 sj\u00e5 like lett. Eg er audmjuk ovanfor fagkompetanse, og er generelt oppteken av at store beslutningar skal takast basert p\u00e5 faglege vurderingar, meir enn berre p\u00e5 f\u00f8lelsar, tru eller tvil. Slik sett fungerar det representerande demokratiet godt, ved at ei utvald gruppe personar fattar vedtak basert p\u00e5 ei mengd med tverrfaglege vurderingar. Men for at ei gruppe folkevalde skal kunne gjere gode og samfunnsnyttige vedtak basert p\u00e5 faglege vurderingar, er det viktig med innbyggjarmedvirkining. Dette er ein \u00f8velse som krev innsats fr\u00e5 alle som vil meine. I enkeltsaker s\u00e5 vel som i generelle sp\u00f8rsm\u00e5l er det veldig lurt \u00e5 huke tak i ein politikar og tilkjennegi sine synspunkt. Dette virkar, i alle fall p\u00e5 meg. Eg lyttar til dei som kjem med sine refleksjonar, anten det er innbyggjarar eller utbyggjarar. Og s\u00e5 vel eg \u00e5 lytte mindre til dei som ytrer seg utan konstruktive motiv. Det folkelege ordskiftet kan innehalde noko som b\u00e5de er nedrig og manglar saksperspektiv. Men heldigvis har derimot dei fleste dialogar gode hensikter og inneheld verdifulle innspel og idear. Difor er god dialog mellom innbyggjar og politikar viktig.<\/p>
<\/b><\/p>
Kommuneplanens arealdel<\/b><\/p>
Det aller viktigaste ein innbyggjar i Giske kommune kan gjere dei neste to m\u00e5nadane, for \u00e5 p\u00e5virke bustadutvikling og arealplanlegging, er \u00e5 melde inn fr\u00e5segner om kommuneplanens arealdel. Denne vert lagt ut til h\u00f8yring no, slik at b\u00e5de offentleg mynde og innbyggjarar kan lese, meine og seie i fr\u00e5. Nytt sjansen, for arealdelen er sj\u00f8lve masterplanen for kva som kan skje p\u00e5 \u00f8yane v\u00e5re fram til 2030.<\/p><\/div>\n
Relaterte artikler<\/h3>\n\t\t\n\t\n\t\t\n\n\t\t\t\t\t\n\t\t\t\t\t\t![\"\"](\"https:\/\/hoyre.no\/content\/uploads\/sites\/107\/2023\/08\/giske-768x489.jpg\")
\t\t<\/div>\n\t\t\n\t\t\t\n\t\t\t\t\n\t\t\t\t\t\n\t\t\t\t\t\t\t\t\n\t\t\t\t\t\t\t\t\t3. aug 2023<\/span>\n\n\t\t\t\t\t\t\t\t\tNyheiter<\/span>\t\t\t\t\t\t\t\t<\/div>\n\t\t\t\t\t\t\t\t\t\t\t<\/div>\n\n\t\t\t\t\n\t\t\t\t\tProgram for perioden 2023-2027 <\/span><\/h2>\t\t\t\t<\/div>\n\t\t\t<\/div>\n\t\t<\/a>\n\t<\/div>\n\n\t<\/div>
\t\t<\/div>\n\t\t\n\t\t\t![\"\"](\"https:\/\/hoyre.no\/content\/uploads\/sites\/107\/2023\/06\/IMG-1390-768x576.jpg\")
\t\t<\/div>\n\t\t\n\t\t\t![\"\"](\"https:\/\/hoyre.no\/content\/uploads\/sites\/107\/2023\/06\/Skjermbilde-2023-06-15-095258-768x521.jpg\")
\t\t<\/div>\n\t\t\n\t\t\t