![\"\"](\"https:\/\/hoyre.no\/content\/uploads\/sites\/107\/2020\/11\/kunnskapiskolen_2_lo_16x9.jpg\")
<\/div><\/figure>Mange vil nok meine at skulestruktursaka er den st\u00f8rste, viktigaste og vanskelegaste saka som har kome til politisk behandling p\u00e5 mange, mange \u00e5r. Og det er rett \u00e5 seie at den er b\u00e5de stor, viktig og vanskeleg for alle med mynde i avgjerda. Det at denne kjennest ekstra vanskeleg, kjem truleg av merksemda den har og at den r\u00f8yrer ved s\u00e5 mange av oss. For alle har vi eit forhold til skulen, anten som elev eller tidlegare elev.<\/p>
Ny kommunesstruktur er komen opp igjen med bakgrunn i behov for innsparing. Saka er behandla i Livsl\u00f8psutvalget og blei mandag behandla i Formannskapet. Administrasjonen si innstilling anbefalte \u00e5 samle alle ungdommane p\u00e5 ein ungdomsskule under navnet Giske ungdomsskule, og elevane fra Giske\u00f8ya og Valder\u00f8ya p\u00e5 Valder\u00f8y barneskule. Giske H\u00f8gre valde \u00e5 g\u00e5 for administrasjonen si innstilling, men slutta opp om forslaget fr\u00e5 Giske Arbeiderparti om \u00e5 samle ungdomsskuleelvane p\u00e5 ein skule d\u00e5 innstillinga fr\u00e5 Kommunedirekt\u00f8ren fall. <\/p>
Det er behov for \u00e5 f\u00e5 meir ut av dei knappe ressursane vi har, for barna si skuld. Gevinstane av \u00e5 samle elevane og l\u00e6rarane er likevel fleire enn berre det vi kan m\u00e5le i kroner. Ei samling av fagressursane til l\u00e6rarane gir betre kompetansemilj\u00f8 i eit stadig aukande mangfald av fagomr\u00e5de. Behovet for spesialundervisning er relativt stort i Giske, samanlikna med andre kommunar. Og behovet er jamt fordelt i kommunen. Likevel er ressursane til spesialundervisning ujamt fordelt mellom skulekrinsane. Ved \u00e5 samle pedagogressursane vil kanskje ikkje behovet reduserast, men ein f\u00e5r h\u00f8ve til \u00e5 forvalte ressursane meir fleksibelt og dekke fleire, slik at vi f\u00e5r eit betre, og meir likeverdig tilbod til alle elevane. Eit godt, og likeverdig tilbod m\u00e5 st\u00e5 s\u00e6rs h\u00f8gt, n\u00e5r vi no har h\u00f8vet til \u00e5 definere ein ny, langsiktig og berekraftig skulekultur for heile Giskeskulen. <\/p>
Rapportane og saksutgreiinga som arbeidsgruppene har utarbeidd i saka held h\u00f8g kvalitet og gir eit godt grunnlag til politisk behandling. Den g\u00e5r inn p\u00e5 viktige forhold som har direkte innverknad p\u00e5 oppl\u00e6ringstilbodet. Det utgreiinga ikkje g\u00e5r inn p\u00e5, er konsekvensane ei skuleflytting kan f\u00e5 for samarbeidet mellom skule og n\u00e6rmilj\u00f8, idrettslag, n\u00e6ringsliv. P\u00e5 Giske og God\u00f8ya, til liks med Valder\u00f8ya og Vigra, er det i dag s\u00e6rs god samhandling mellom slike akt\u00f8rar og skulane. Slikt samarbeid har mykje \u00e5 seie for elevtrivsel, alternative opplegg, rekruttering til kultur og idrett m.m. Slike faktorar er alts\u00e5 ikkje vurdert i fagrapportane, og dette er gjort til kjenne i saksutgreiinga. Desse forholda er det opp til politikarane \u00e5 verdisette i sine vurderingar. Eg vil i dette h\u00f8vet trekkje fram to viktige samhandlingsprosjekt vi har i kommunen. Giskespelet er den fremste kulturberaren i v\u00e5r kommune, om ikkje i heile regionen. Samspelet med skulen er heilt unikt, og gir gjensidig verdi b\u00e5de til Spelet og skulen. Det hadde vore ei fin ting om denne samhandlinga ogs\u00e5 kunne vorte utvida til \u00e5 inkludere ungane p\u00e5 fleire av \u00f8yane. Havung p\u00e5 God\u00f8ya har hjelpt mang ein skuletr\u00f8ytt praktikar fr\u00e5 tung teori p\u00e5 skulebenken. Eit prisverdig tilbod som eg applauderar og som vi h\u00e5per skal kunne f\u00f8lge ungdommane, om dei framover skal g\u00e5 p\u00e5 nye Giske ungdomsskule. <\/p>
Begge desse eksempla kan vidareutviklast, hand i hand med ei skulestrukturendring. Og idrettslaga, som i aukande grad b\u00e5de evnar og kanskje har behov for \u00e5 samarbeide p\u00e5 tvers av \u00f8yane, skal leve i beste velg\u00e5ande ogs\u00e5 i framtida. <\/p>Uavhengig av kva resultatet av saka vert i Kommunestyret, anten det vert det eine alternativet eller det andre, f\u00e5r det uansett konsekvensar for alle elevane i Giske kommune. \u00c5 velje \u00e5 ikkje gjere noko, vil ikkje berre gi ALLE elevane eit d\u00e5rlegare oppl\u00e6ringstilbod enn i dag, det vil ogs\u00e5 gi svekka handlingsrom n\u00e5r nye sparetiltak b\u00e5de neste \u00e5r og i \u00e5ra som kjem skal gjennomf\u00f8rast i ALLE rammeomr\u00e5da. \u00d8konomien sin klare tale er ur\u00e5d for oss i Giske H\u00f8gre \u00e5 mistolke. Det er ein \u00f8konomi som ikkje tillet status quo. Strukturendringa er overmoda, naudsynt og er det beste vi kan tilby barna v\u00e5re. Giske H\u00f8gre har derfor b\u00e5de i fagutvalg og formannskap stilt oss bak Kommunedirekt\u00f8ren si godt grunngjevne innstilling, fordi vi meiner det er naudsynt og fordi det er det aller mest forsvarlege, til det beste for barna v\u00e5re.
(gjengitt i \u00d8yblikk 17. sept. 2020)<\/p><\/div>\n
Relaterte artikler<\/h3>\n\t\t\n\t\n\t\t\n\n\t\t\t\t\t\n\t\t\t\t\t\t![\"\"](\"https:\/\/hoyre.no\/content\/uploads\/sites\/107\/2023\/08\/giske-768x489.jpg\")
\t\t<\/div>\n\t\t\n\t\t\t\n\t\t\t\t\n\t\t\t\t\t\n\t\t\t\t\t\t\t\t\n\t\t\t\t\t\t\t\t\t3. aug 2023<\/span>\n\n\t\t\t\t\t\t\t\t\tNyheiter<\/span>\t\t\t\t\t\t\t\t<\/div>\n\t\t\t\t\t\t\t\t\t\t\t<\/div>\n\n\t\t\t\t\n\t\t\t\t\tProgram for perioden 2023-2027 <\/span><\/h2>\t\t\t\t<\/div>\n\t\t\t<\/div>\n\t\t<\/a>\n\t<\/div>\n\n\t<\/div>
\t\t<\/div>\n\t\t\n\t\t\t![\"\"](\"https:\/\/hoyre.no\/content\/uploads\/sites\/107\/2023\/06\/IMG-1390-768x576.jpg\")
\t\t<\/div>\n\t\t\n\t\t\t![\"\"](\"https:\/\/hoyre.no\/content\/uploads\/sites\/107\/2023\/06\/Skjermbilde-2023-06-15-095258-768x521.jpg\")
\t\t<\/div>\n\t\t\n\t\t\t