![\"\"](\"https:\/\/hoyre.no\/content\/uploads\/sites\/107\/2020\/11\/giske_2.jpg\")
<\/div><\/figure>Mange kan kjenne seg igjen i dette, andre ikkje. Vel, vi best\u00e5r av folk fr\u00e5 alle aldrar og samfunnslag, til liks med slik det er alle andre stader i landet. Mangfald er stikkordet, tenkjer eg, i sterk vekt. For folketalet veks stadig. Vi bur i ei kommune som er s\u00e5 attraktiv \u00e5 bu i at folkeveksten er heilt i toppen i fylket. Og kva er vel betre enn fleire naboar, nye klassekompisar og fleire skatteytarar? Svaret skulle vore enkelt, men er delt. Men f\u00f8rst, kvifor er det slik at vi har det s\u00e5 godt her ute? Er det menneska, er det naturen eller bustadprisane, er det skulane, butikkane, flyplassen, er det Alnesfyren eller er det jentene som dreg? Eg tenkjer at det m\u00e5 vere totalpakka. Om ein skal g\u00e5 matematisk og statistisk til verks seier Kostra-tala at Giske kommune leverer bra p\u00e5 kommunale tenester. Og menneska og naturen veit vi held h\u00f8g standard. <\/p>
<\/p>
\u00d8konomi<\/strong><\/p> H\u00f8g standard p\u00e5 kommunale tenester koster. Store investeringar dei siste \u00e5ra gjer at vi no har h\u00f8ge gjeldsavdrag og ein anstrengt \u00f8konomi. Kvar haust startar budsjettarbeidet, som i desember skal ende i eit budsjett for komande \u00e5r og ein \u00f8konomiplan for dei n\u00e6raste \u00e5ra. I kampen om \u00e5 f\u00e5 budsjettet i balanse, har det vore nytt fleire metodar. Osteh\u00f8velprisnippet kjenner dei fleste som i ei eller anna form har vore med p\u00e5 nedskjering og kutt. Dette prinsippet har tidlegare vist s\u00e6rs liten effekt. Det er derimot viktig \u00e5 gjere m\u00e5lretta prioriteringar med omsyn p\u00e5 kva effekt ei nedskjering eller tilleggsl\u00f8yving har. Effektivisering av tenesteproduksjon gjer det rimelegare \u00e5 drive tenester. Men for \u00e5 effektivisere i eit tenesteomr\u00e5de, treng ein omstilling og ofte ei auka \u00f8konomisk ramme i omstillingsfasen. Med mange og relativt sm\u00e5 einingar er det kanskje grunn for \u00e5 tru at slike omstillingar er dyre og vanskelege. Gode prosessar har likevel blitt sett i gong av r\u00e5dmann og einingar, som vonleg vil gi gevinst. N\u00e5r kommunen skal dekkje tap fr\u00e5 tidlegare \u00e5r, samtidig som gjeldande budsjett ikkje ser ut til \u00e5 halde, er det naturleg at vi m\u00e5 vere n\u00f8ysame i drift og framtidige investeringar. Sj\u00f8lv om det er brukt mykje midlar p\u00e5 ny skule og nytt omsorgssenter, er det fortsatt behov for nye skulebygg, og p\u00e5 litt sikt ogs\u00e5 meir kapasitet innan eldreomsorg. Oppvekst og helse er to av dei viktigaste omr\u00e5de som kommunen m\u00e5 fortsette \u00e5 prioritere. I ei tid med lite handlingsrom er det difor naudsynt at andre viktige, men likevel mindre viktige prosjekt, m\u00e5 vente. Idrett og kultur har f\u00e5tt gode tilh\u00f8ve, der frivillegheit no skal drive aktiviteten framover. Frivilleg arbeid gir store verdiar til samfunnet, og skal underbyggjast av m\u00e5lretta kommunale ordningar.<\/p> <\/p> Kommunale tenester<\/strong><\/p> Like viktig som gode offentlege bygg \u00e5 huse barn og eldre i, er innhaldet i tenestene. Giske kommune ligg langt frame i \u00e5 ta i bruk nye instrument og virkemiddel, b\u00e5de innan oppvekst og helse. Men vegen er av og til lang for \u00e5 f\u00e5 den effekten vi vil ha. Investeringane innan digitalisering, har s\u00e6rskilt i skulen gitt n\u00e6rast omg\u00e5ande effekt p\u00e5 kvaliteten i l\u00e6ring. Eg har sj\u00f8lv sett kva dette har bidrege til auka leseferdigheit og generell meistring, spesielt i sm\u00e5skulen. Digitalisering i omsorgstenestene har innsparingspotensial f\u00f8rst p\u00e5 litt sikt, sj\u00f8lv om einingane har kome langt i implementeringa. Giske H\u00f8gre held fast ved at ein skal halde fram med satsingane p\u00e5 tiltaka som gjer tenestene betre og meir effektive, og som generelt gjer det lettare \u00e5 treffe behova. Dette er eit omr\u00e5de der omsynslaus innsparing ikkje gir kommunen betre \u00f8konomi.<\/p> <\/p> Bustadutvikling og innbyggjardialog<\/strong><\/p> Takt og form i bustadutviklinga i kommunen m\u00e5 balansere mellom behova i samfunnet, innbyggjarane og utbyggjarane. Samtidig m\u00e5 ein vurdere kva folkevekst kommunen toler med hensyn til investeringsbehova dette f\u00f8rer med seg innan infrastuktur og tenestetilbyding. Kommuneplanen skal ivareta og vere med p\u00e5 \u00e5 regulere denne utviklinga. Arealdelen er no under rullering, og arbeidet med dette held fram utover vinteren. Viktige element er mellom anna fortetting, plassering av nye bustad- og n\u00e6ringsareal og etablering av nytt kommunesenter. Resultatet skal ut til offentleg h\u00f8yring. Offentleg h\u00f8yring er eit sv\u00e6rt viktig instrument i den politiske saksprosessen. Giske H\u00f8gre har lenge fronta den viktige dialogen mellom innbyggjarar og politikarar. Den beste utviklinga av lokalsamfunnet skjer i l\u00f8pande innbyggjardialog. Detaljplanar er mellom anna noko vi politikarar er opptekne av at innbyggjarane skal verte h\u00f8yrt i. Engasjementet er stort, s\u00e6rskilt blant innbyggjarane p\u00e5 Valder\u00f8ya. Ei \u00f8y som har hatt stor utbygging det siste ti\u00e5ret, med mykje ny bustadkapasitet tilpassa f\u00f8rstegongsetablerarar. Det er viktig med varierte bustadtyper, som stimulerer ein jamn demografi. Kanskje kan det vere rett \u00e5 legge meir til rette for blokkbustader med h\u00f8g standard, som vil dekkje ein etterspurnad blant generasjonen 55+. Dette sp\u00f8rsm\u00e5let er eitt av mange, som vi lettare kan f\u00e5 svar p\u00e5 i h\u00f8yringar og m\u00f8ter med b\u00e5de innbyggjarar og utbyggjarar.<\/p> <\/p> N\u00e6ring<\/strong><\/p> Giske er i f\u00f8rste rekkje ei bukommune, men er ogs\u00e5 ei av dei st\u00f8rste fiskerikommunene i landet. Denne statusen skal befestast n\u00e5r vi f\u00e5r ny nasjonal fiskerihamn p\u00e5 Gj\u00f8sund. Mykje godt arbeid er gjort, og dette skal halde fram for \u00e5 f\u00e5 prosjektet realisert. B\u00e5de politisk, av kommuneadministrasjonen og n\u00e6ringa sj\u00f8lv. Denne typen samarbeid er avgjerande for vidare utvikling av kommunen v\u00e5r. Ei kommune med stort potensiale for industri, jordbruk, handel, reiseliv, bustadutvikling, natur og friluft. Ressursar vi skal vere audmjuke for \u00e5 ha, og som vi skal forvalte rett. Giske skal ogs\u00e5 i framtida vere \u00f8yriket som byr p\u00e5 ei totalpakke for alle, i alle aldrar, fr\u00e5 alle stader. <\/div>\nRelaterte artikler<\/h3>\n\t\t
![\"\"](\"https:\/\/hoyre.no\/content\/uploads\/sites\/107\/2023\/08\/giske-768x489.jpg\")
\t\t<\/div>\n\t\t\n\t\t\tProgram for perioden 2023-2027 <\/span><\/h2>\t\t\t\t<\/div>\n\t\t\t<\/div>\n\t\t<\/a>\n\t<\/div>\n\n\t<\/div>
![\"\"](\"https:\/\/hoyre.no\/content\/uploads\/sites\/107\/2023\/06\/IMG-1390-768x576.jpg\")
\t\t<\/div>\n\t\t\n\t\t\t![\"\"](\"https:\/\/hoyre.no\/content\/uploads\/sites\/107\/2023\/06\/Skjermbilde-2023-06-15-095258-768x521.jpg\")
\t\t<\/div>\n\t\t\n\t\t\t