![\"\"](\"https:\/\/hoyre.no\/content\/uploads\/sites\/327\/2020\/11\/lhbanner.jpg\")
<\/div><\/figure>BARNEHAGE
Luster H\u00f8gre vil ha tilflytting til Luster og me ynskjer at heile Indre Sogn skal vere felles arbeidsmarknad.
Da m\u00e5 opningstidene i barnehagane tilpassast dette og Luster m\u00e5 alltid ha ledige barnehageplassar
og fleksibel opptakspraksis. Innhald og det pedagogiske tilbodet er viktig.
Luster H\u00f8gre vil:
\u2022 Ha opningstider tilpassa Indre Sogn som felles arbeidsmarknad
\u2022 Fleksibel praksis for inntak til barnehagen
\u2022 Gode lokal og uteomr\u00e5de i barnehagane
\u2022 Auke kapasiteten ved Jostedal og Indre Hafslo Oppvekstsenter
\u2022 Arbeide for betre lokale til Gamlestova Barnehage
LUSTRASKULEN
Lustraskulen best\u00e5r av kunnskapsrike l\u00e6rarar og elevar som leverar gode resultat nasjonalt. H\u00f8gre
meiner at Lustraskulen kan komma heilt til topps, og vil derfor prioritera og fremma tiltak som gjev
ytterligare auke i kunnskap og kvalitet.
For at eleven skal ha full fokus p\u00e5 \u00e5 tileigna seg kunnskap, er det faglige og sosiale milj\u00f8et
avgjerande. H\u00f8gre vil derfor jobba for ein mobbefri skule, der l\u00e6raren er sjef i klasserommet.
Lustraskulen dekker eit stort omr\u00e5de, og m\u00f8ter derfor utfordringar knytt til elevtal og skuleveg.
For \u00e5 oppretthalda kvaliteten i undervisninga vilH\u00f8gre gjennomf\u00f8ra strukturendringar om naudsynt.
Barneskulane b\u00f8r minst ha ein tredelt undervisning (minst tre klassar), s\u00e5 lenge ikkje avstandane og
farleg skuleveg gjer dette utfordrande. For Veitastrond m\u00e5 ein finne l\u00f8ysingar saman med skulen p\u00e5 Hafslo.
Luster H\u00f8gre vil:
\u2022 Ha fritt skuleval
\u2022 Ha regelmessig vidareutdanning av l\u00e6rarane, spesielt innan realfag
\u2022 Gje friviljug intensivkurs i basisfag
\u2022 Ha leksehjelp for 8 \u2013 10 klasse
\u2022 Styrke fagnettverka til l\u00e6rarane for \u00e5 dele erfaringar og kompetanse
\u2022 Gje midlar til aktivitetar som fremmar Lustraidentiteten
\u2022 Ha ein jamn fordeling av ressursane i skulen
\u2022 Ha gode uteomr\u00e5de p\u00e5 skulane som fremmar motorikken
\u2022 Ha tilpassa undervisning for elevar p\u00e5 alle niv\u00e5
\u2022 Ha samarbeide med n\u00e6ringslivet om l\u00e6ring i bedrift
HELSE OG SOSIALPOLITIKK
Luster har gode og desentraliserte omsorgsinstitusjonar i Gaupne, Luster og p\u00e5 Hafslo. Omsorg skal handle om kvalitet for brukarane, anten det er i heimen, i omsorgsboligen eller p\u00e5 sjukeheimen. Dei tre Omsorgsentera m\u00e5 organiserast p\u00e5 ein m\u00e5te som gjev den beste og tryggaste omsorga for brukaren. Helsesenteret, korttidsavdelinga og ambulansestasjonen i Gaupne er viktig for tryggleiken til innbuarane i Luster.
Luster H\u00f8gre vil:
\u2022Gje eit individuelt tilpassa omsorgstilbod
\u2022Vidareutvikle dagtilbod som ATS og arbeidsstovene
\u2022Ha gode heimetenester som hjelper folk \u00e5 bu heime s\u00e5 lenge som mogleg
\u2022Sikre rammevilk\u00e5ra for ambulanse, lege og jordmortenestene
\u2022Legge til rette for treningssenter samlokalisert med Lustrabadet
\u2022Ha gode helsetilbod til dei unge som helses\u00f8ster i skulen
\u2022Ha gode tilbod til psykiatrien og rusavhengige.
\u2022Utvikle \u00abarbeid for trygd\u00bb
\u2022Betre tilh\u00f8va ved Grandmo Busenter
LANDBRUK
Landbruket er viktig for busetjing og kulturlandskapet i Luster, samt at landbruksn\u00e6ringa legg grunnlaget for anna n\u00e6ring. Luster H\u00f8gre vil leggje til rette for ein vidare modernisering av drifta, slik at landbruket er best mogleg rusta for framtida.
Luster H\u00f8gre vil:
\u2022Gje bonden st\u00f8rre r\u00e5derett over eigen eigedom
\u2022Ha ein liberal praktisering av buplikta og deling av eigedomane
\u2022Tryggje grunneigarens rettigheiter til jakt, fiske og skogressursar
\u2022Stimulere til bygging av driftsbygningar
\u2022Ha eit mj\u00f8lkeprosjekt for \u00e5 auke mj\u00f8lkeproduksjonen i Luster
\u2022Stimulere til nydyrking som erstatning for tapt matjord i pressomr\u00e5da
\u2022V\u00e5re fjellomr\u00e5der er prioritert beitedyr og skal ikkje ha yngling av rovdyr.
\u2022Vil halde fram arbeidet med \u00e5 flytte grensa for ynglande jerv til Otta dalf\u00f8ret
\u2022St\u00f8 opp om nytenking innan lokal produksjon og omsetning av kortreist mat
SAMFERDSLE
Det er framleis store etterslep p\u00e5 vedlikehald av vegar b\u00e5de p\u00e5 nasjonalt, fylkes- og kommuneniv\u00e5.
H\u00f8gre meiner at ein m\u00e5 byggje fleire, tryggare og betre vegar og samstundes ras sikre desse med
tunnelar og ras overbygg der det er naudsynt. Ein m\u00e5 og sikre dei mjuke trafikantane ved \u00e5
intensivere utbygging av gang og sykkelstiar.
Luster H\u00f8gre vil:
\u2022 Ruste opp og vedlikehalde det kommunale vegnettet til eit tilfredsstillande niv\u00e5
\u2022 Fullf\u00f8re gang og turstien mellom Gaupne og Marifj\u00f8ra
\u2022 Fortsette arbeidet mot heil\u00e5rsveg over Sognefjellet
\u2022 Ha ladestasjonar for el-bil i kommunen
\u2022 Utbetre \u00d8yagata i samband med sentrumsopprusting av Gaupne
\u2022 Sikre god breiband utbygging i heile kommunen
\u2022 Ha gatelys som er p\u00e5 n\u00e5r det er m\u00f8rkt og av n\u00e5r det er lyst
\u2022 Jobbe for opprusting av fv 55, spesielt R\u00f8neidstunnelen, og strekninga Nes \u2013 Fortun
\u2022 Sikre dei mjuke trafikantane langs fv 55 med feks undergang\/fotgjengarfelt og nedsettfartsgrense.
\u2022 Fortsette arbeidet med \u00e5 sikre rassikring av Veitastrond, S\u00f8rsida og R\u00f8nneidsberget.
\u2022 Vidareutvikle ungdomskortet fr\u00e5 13 \u00e5r og oppover
N\u00c6RING
Me har eit allsidig n\u00e6ringsliv i Luster. Landbruk, Reiseliv, Bygg\/Anlegg, Kraft, Handel og Industri er
alle n\u00e6ringar med stor verdiskaping og mange arbeidsplassar. Gjennom mange og store kraftutbyggingar
har Luster fond som skal stimulere til \u00e5 utvikle n\u00e6ringslivet i kommunen. Desse midlane
m\u00e5 brukast p\u00e5 ein m\u00e5te som skapar arbeidsplassar saman med b\u00e5de eksisterande bedrifter og
nyetableringar. Skal me f\u00e5 fleire Lustringar m\u00e5 det skapast arbeidsplassar.
Luster H\u00f8gre vil:
\u2022 St\u00f8tte gr\u00fcnderar med kapital og kunnskap
\u2022 St\u00f8tte nye prosjekt\/utvikling i etablerte bedrifter
\u2022 Arbeide og leggje til rette for heil\u00e5rsturisme
\u2022 Vektlegge n\u00e6ringslivet sine behov i areal og reguleringsarbeidet
\u2022 Ha b\u00e6rekraftig reiseliv ogs\u00e5 i verneomr\u00e5da og Nasjonalparkane
\u2022 Ha tiltak som kan bidra til auka fiske i fjorden som er viktig for turistn\u00e6ringa
\u2022 Styrkje n\u00e6ringsavdelinga og skape kultur for innovasjon, entrepren\u00f8rskap og auka samhandling mellom bedriftene
\u2022 Etablere n\u00e6ringsareal, ogs\u00e5 leggje til rette for privat utbygging
AREALFORVALTNING OG BUSTADPOLITIKK
Luster kommune er i ferd med \u00e5 f\u00e5 p\u00e5 plass bustadomr\u00e5der i Gaupne, Hafslo, Luster, Indre Hafslo, Skjolden og Fortun. Dette er viktig for vidare folketalsvekst i Luster. B\u00e5de natur og kulturlandskapet slik det st\u00e5r fram i dag er eit resultat av generasjonars bruk. H\u00f8gre meiner \u00abbruk er det beste vern\u00bb. Liberal arealforvaltning er eit viktig stimuli for auka busetnad, hyttebygging og utvikling av n\u00e6ringslivet. Det m\u00e5 vere mogleg \u00e5 f\u00e5 byggje i det omr\u00e5det ein ynskjer \u00e5 busette seg.
Luster H\u00f8gre vil:
\u2022Ruste opp kommunesenteret
\u2022Alltid ha tilgang p\u00e5 tomter i vekstomr\u00e5da v\u00e5re
\u2022Tillate h\u00f8gare og arealeffektive bygg i Gaupne, og legge til rette for einebustadar p\u00e5 Nes og Marifj\u00f8ra
\u2022Seie ja til fr\u00e5deling av tilleggsjord og tomtar
\u2022Ha hyttefelt ved fjord og fjell
\u2022Ha liberal forvaltning av verneomr\u00e5der og strandsone
\u2022Kommunale sentrumsplanar som f\u00f8rer til vidare opprusting av sentruma v\u00e5re
\u2022Ha gjennomgangsbustadar for unge i Gaupne og Hafslo
\u2022Fullf\u00f8re tur og sykkelvegen mellom Gaupne og Marifj\u00f8ra
\u2022Avgrense bruk av vernestatus der dette kjem i konflikt med lokale interesser
\u2022Akseptere sk\u00e5nsam kraftutbygging og utnytte steinmassane til felles form\u00e5l
KULTUR, IDRETT OG FRITID
Luster har eit levande og aktivt kulturliv. Idrett, friluft, musikk, dans, jakt og fiske er viktig for Lustringane og me har mange lag og organisasjonar som bidreg til viktig aktivitet. Desse organisasjonane m\u00e5 ha gode rammevilk\u00e5r for \u00e5 oppretthalde og utvikle det gode tilbodet me har.
Luster H\u00f8gre vil:
\u2022 Sikre eit godt tilbod i Lustrabadet
\u2022 Vere med \u00e5 utvikle Heggmyrane
\u2022 Saman med idretten etablere Luster Idrettspark med kunstgrasbane i Gaupne
\u2022 Vere med \u00e5 utvikle motorsportsenter p\u00e5 Leirmo\u00f8ygarden
\u2022 St\u00f8tte lavterskel tilbod som danseverkstad, rockeverkstad, klatring, ski, mekkeverkstad, motorcross og turlag
\u2022 Sikre gode turvegar i sentrumsomr\u00e5da
KOMMUNEREFORMEN
Luster Kommune er ein av dei st\u00f8rste kommunane i s\u00f8r Norge i utstrekning, halvparten av norske
kommunar har l\u00e5gare folketal enn Luster.
Kommunen har god \u00f8konomi og leverer gode tenester til innbuarane. Me ynskjer at Luster deltek i Sogn Regionr\u00e5d og nabokommunnane sitt utgreiingsarbeid for \u00e5 ha eit best mogleg grunnlag til \u00e5 fatte vedtak n\u00e5r framtidas kommunekart skal vedtakast.
<\/div>\n
\n\t\t\t\t\t
\n\t\t\t\t\t\t
\n\t\t\t\t\t\t\t\t\t\t\t\t\t\t
\n\t\t\t\t\t\t\t\t