6 grunnar til å røyste Høgre i Høyanger
![](https://hoyre.no/content/uploads/sites/332/2023/06/Hoyanger_foto_Agathe_Steen-3-scaled.jpg)
![](https://hoyre.no/content/uploads/sites/332/2023/08/Hoyanger-1.jpg)
1. Industri og næringsliv
For Høyanger Høgre er arbeidsplassar og folketalsvekst prioritet nummer ein. Vi vil jobbe aktivt for at Høyanger skal være ein JA-kommune, med ei positiv innstilling til nytenking, forandring og utvikling. På den måten skal vi sikre at Høyanger er en attraktiv, trygg og framtidsretta kommune å bu i.
![](https://hoyre.no/content/uploads/sites/332/2023/08/Hoyanger-2.jpg)
2. Bustadutvikling og sentrumsutvikling
Den viktigaste oppgåva dei neste åra er å auke folketalet. Høyanger kommune må bli ein føretrekt stad å busetje seg i, både for eigen ungdom og for tilflyttarar. Ein føresetnad for å tiltrekkje seg og halde på kvalifisert arbeidskraft, er eit attraktivt bustadmarknad. Særleg har Høyanger tettstad eit stort behov for bustader og leilegheiter med standard som oppfyller agens krav.
![](https://hoyre.no/content/uploads/sites/332/2023/08/GettyImages-1214950612-1024x683.jpg)
3. Skule og barnehage
Høyanger Høgre ynskjer å skape vekst og utvikling i alle lokalsamfunn slik at vi kan oppretthalde dagens desentraliserte struktur. Elevane skal oppleve god fagleg læring og trivsel.
![](https://hoyre.no/content/uploads/sites/332/2023/08/GettyImages-594379807-1024x683.jpg)
4. Helse og omsorg
Høyanger Høgre vil arbeide for at det skal vere god kvalitet på helse og omsorg. Eit godt omsorgs- og helsetilbod er grunnsteinen i eit varmt og velfungerande samfunn. Befolkninga i kommunen vert stadig eldre noko som medfører at ein må sikre nødvendig kapasitet.
![](https://hoyre.no/content/uploads/sites/332/2023/08/GettyImages-594375747-1024x683.jpg)
5. Kultur og fritid
Eit godt kultur- og fritidstilbod er viktig for at kommunen skal vere ein attraktiv kommune å bu i. Høyanger er ein kommune med ei stolt kraft–og industrihistorie, noko som vi ynskjer å ivareta og byggje vidare på.
![](https://hoyre.no/content/uploads/sites/332/2023/08/Hoyanger-3.jpg)
6. Miljø og samferdsle
Høyanger Høgre vil arbeide for at kommunen skal profilere seg som miljøvennleg og rein, men samtidig leggje til rette for busetting i heile kommunen. I ein langstrakt kommune er det viktig med trygge og gode vegar. Høyanger Høgre vil arbeide for godt vedlikehald av kommunale vegar.