Våre hjartesaker

12 grunnar til å røyste Høgre i Kvam!

  1. Kvam Høgre vil investera i lærarar, barnehagelærarar og støttepersonell. Me skal jobba aktivt for å tilby 100% stillingar til dei som ynskjer det, og tilretteleggja for vidareutdanning og kompetanseheving.
  2. Kvam Høgre vil styrkje helse- og omsorgstenesta ved å investere i utøvande helsepersonell sin kompetanse og arbeidsvilkår, og sikre at Kvam er ein attraktiv arbeidsgjevar.
  3. Me skal prioritere operativt fagpersonell innan oppvekst og helse, framfor administrative stillingar.
  4. Me vil tilretteleggja for næringsutvikling gjennom næringsareal, utvikling av infrastruktur og samarbeid.
  5. Tilretteleggja for at bassenget i Ålvik skal kunne drivast vidare etter 2023. Bassenget er viktig for innbyggjarane våre i Ålvik.
  6. Kvam Høgre vil styrkja den politiske styringa av kommunen. Me skal sikra at politiske vedtak vert fylgde opp av administrasjonen på ein ansvarsfull og effektiv måte.
  7. Me vil sikra 13 sjukeheimsplassar ved Strandebarm Omsorg.
  8. Legetilbodet i Ålvik og Strandebarm skal halda fram som i dag.
  9. Kvam Høgre vil jobba for at den nye barneskulen i Øystese skal ferdigstillast i løpet av komande valperiode. Skulen skal vera moderne og dimensjonert for framtidig vekst i elevtal.
  10. Me vil at barneskulen i Tørvikbygd skal drivast vidare i perioden. Det skjer mykje spanande i Tørvikbygd for tida. Kvam Høgre meiner derfor at barneskulen må få leva vidare, slik at bygda framstår som attraktiv for småbarnsfamiliar som vurderer å flytte til bygda.
  11. Kvam Høgre skal få på plass nytt klubbhus og 7´ar-bane ved Norheimsund Stadion i denne valperioden.
  12. Me skal få på plass ferdigregulert bustadareal for alle typer bustadformer i Norheimsund og Øystese.