For at kommunen skal gje best mogleg tenester, er det avgjerande at dei tilsette har gode arbeidsvilkår. Høgre ønskjer å legge betre til rette for at tilsette har hjelpemiddel og system som gjer at dei kan gjere jobben endå betre og enklare.

AUSTEVOLL HØGRE VIL:

• Lage ein lønspolitisk handlingsplan med mål om å løfte løna til lågtlønsgrupper, og hindre det aukande gapet mellom profesjonar, ved å gå bort frå prosentvist påslag, og gå over til kronepåslag i dei kommunale lønsoppgjera.

• Ta i bruk nye hjelpemiddel og system som lettar arbeidsoppgåvene til tilsette.

• Sørge for at tiltak og utbetringar som kan betre arbeidstilhøva blir gjennomførte så kjapt som mogleg.

• Samarbeide med tillitsvalde og verneombod om tiltak som kan redusere sjukdom og fråvær, og leggje til rette med oppgåver som kan gjere det lettare å kome seg tilbake i jobb etter sjukdom.

• Sørge for ein heilskapleg plan for kursing og kompetanseheving for tilsette i alle avdelingar i kommunen.

• Gjennomføre årlege medarbeidarundersøkingar.

• Jobbe for å redusere uønska deltidsstillingar.

• Vurdere å etablere ei kommunal vikarordning.

• Sørge for at kommunen tar inn fleire lærlingar og innanfor fleire fagområde.

• Sjå til at det alltid er trygt for tilsette å varsle om kritikkverdige tilhøve, og at varslingsrutinane blir etterlevd i praksis.

• Sørge for at dei tilsette har reell medverknad, at viktige saker og spørsmål som direkte berører dei tilsette, blir diskuterte med medarbeidarane og organisasjonane deira.

• Ta på alvor innspel frå tilsette som kan gjere det betre å jobbe i kommunen, og som kan forbetre tenestene og saksbehandlinga til kommunen.

• Sørge for at gamle og nye tilsette blir gjort godt kjent med korleis dei skal handtere fortruleg informasjon og vareta teieplikta og omsyna til brukarar og innbyggjarar.

• Sørge for at kommuneleiinga tar eit aktivt ansvar for å legge til rette for ein god openheitskultur.

• Sørge for at kommuneleiinga tar eit aktivt ansvar for å legge til rette at det vert lett å melde om avvik og at desse vert behandla på rett nivå.

• Etablere ei årleg samling for leiarane i kommunen, der leiarane skal få nødvendig fagleg påfyll og rettleiing, og som skal vere ein møteplass for utveksling av erfaring.

• At det skal etablerast ei fadderordning for nye leiarar, og at det kort tid etter tilsetjing skal gis opplæring i godt leiarskap og personaloppfølging, sentrale lover og reglar, og kommunens planar og rutinar.

• At oppgåver, saker og problemstillingar som grip over fleire einingar i størst mogleg grad skal handterast av rådmannens sentraladministrasjon.

• Flytte krevjande oppgåver frå einingsnivå, til sentraladministrasjonen, og sørge for at mellomleiarar kan fokusere meir av tida si på kjerneoppgåver.

• Sørge for at rådmannen har verkemiddel for å yte rettleiing og bistand til mellomleiarar og tilsette, og tydeleggjere kva oppgåver som skal løysast på kva nivå i organisasjonen.

• Sjå til at lønsfastsetjing skjer i tråd med kommunens lønsregulativ og at løna gjenspeglar ansvaret og oppgåvene som stillinga krev av leiaren, uavhengig av stillingsnivå.