Liv Kari Eskeland

Hjartesakene mine

• Inkludere fleire i arbeidslivet

  Det står altfor mange menneske utanfor arbeidslivet i Noreg i dag. Dette er menneske som kan og vil bidra. Den viktigaste oppgåva vår er å sørge for at fleire har ein jobb å gå til. Vi må særleg jobbe for at dei som slit med å få jobb, anten fordi dei har hol i CV`en eller har fysiske eller psykiske funksjonsnedsetjingar, får ein sjanse til å kome i meiningsfylt arbeid.

• Grøn skipsfart

  Vi treng å få ned utsleppa våre, også innan skipsfart. Regjeringa har gjort mykje for å gjere skipsfarten meir grøn, men vi har framleis ein jobb å gjere. Det ligg eit enormt potensiale i å kutte utslepp innan maritim sektor. Alt frå hurtigbåtar og ferjer, cruiseskip, lasteskip, offshorefartøy, oppdrettsfartøy, fiskefartøy og fritidsbåtar skal over på null- og lågutslepp.

• Fleire grøne arbeidsplassar

  Tida er inne for å skape det vi skal leve av etter olja. Då treng vi fleire grøne arbeidsplassar. Det sikrar vi ved å gi bedriftene mindre skattar og avgifter slik at dei kan investere i grøn teknologi. Ikkje minst er vi heilt avhengige av EU og EØS-avtalen for å sikre grønt samarbeid og vekst i grøne næringar der vi kan selje teknologi og produkt til andre land.